«Реал» ярим ҳимоячиси Гарет Бэйл Испания чемпионати доирасидаги «Севилья»га қарши учрашувдан (7:3)кейин ўз фикрлари билан ўртоқлашди. Хабарингиз бор, кеча футболчи дублга эришган эди.
«Ўзимни жуда яхши ҳис қилмоқдаман. Спорт формамни тўлиқ тиклаб олишим учун худди шундай ўйнашда давом этмоқчиман.
Ўйин жуда яхши ўтди. Бу менинг ҳолатим учун ҳам анча фойдали бўлди. Биз зўр ўйнадик ва умид қиламанки, бундай учрашувларимиз кўп бўлади. «Реал» кўп гол урди, стадиондаги атмосфера ҳам жуда ажойиб эди. Энг асосийси эса, биз уч очкони қўлга киритдик.
Кўп гол ўтказиб юборганимизни гам четлаб ўтиб бўлмайди, лекин ўз кучимизга бўлган ишончни қайтариш учун бундай ўйинлар муҳим»,- дейди футболчи.
