«Ньюкасл» устози Алан Пардю лига кубоги доирасидаги «Манчестер Сити»га қарши кечган ўйин ҳақида фикр билдирди.
«Ўйинни бой берган бўлишимизга қарамай, футболчларимни танқид қила олмайман. Улар яхши ўйнашди. Имкониятлардан фойдаланиш керак эди.
Биз асосий вақтда иккита ва қўшимча вақт аввалида битта жуда яхши вазиятни йўққа чиқардик. Агар биз ўша имкониятдан фойдаланганимизда, «Сити»га жуда қийин бўларди, Чунки улар чарчашганди. Бу ҳал қилувчи вазият бўлиши мумкин эди.
«Сандерленд»га имкониятни бой берган бўлишимизга қарамай мухлислар бизни қўллаб-қувватлаш учун стадионга келишди. Уларни хурсанд қила олмаганимиздан афсусдамиз.
Охирги учта ўйинда биз яхши ўйин кўрсатдик. Менимча, натижа узоқ куттирмайди»,- дейди мураббий.