*** Футболнинг илк расмий қоидалари 1863 йилнинг 8 декабрида қабул қилинган. Айнан шу сана футбол тарихининг бошланиши сифатида белгилаб қўйилган.

*** Қоида бўйича 1912 йилгача дарвозабонлар майдоннинг ўз жамоаларига тегишли ярмида тўпни бемалол қўлга олишлари мумкин эди. Ҳаттоки, уларнинг қўл билан гол урган ҳолатлари ҳам кузатилган.

*** Россия терма жамоаси собиқ футболчиси Валерий Карпин бутсаларини михга илгач, дарҳол профессионал велопойгачилардан тузилган жамоа хўжайинига айланган.

*** Германиялик Мехмет Шолль бундеслиганинг 8 карра чемпиони ҳисобланади - мутлақ рекорд натижа.

*** ФИФА 2004 йили футбол тарихига оид янги хулоса чиқарди: «Хитой манбаларида ёзилишича, эрамиздан аввалги 2-асрга қадар тўп билан махсус ўйин ўйнашган. Уни футболнинг бир тури сифатида қабул қилиш мумкин».

*** Болгариялик Тоньо Минчев собиқ иттифоқ чемпионатида ўйнаган илк легионер ҳисобланади. У 1989 йили «Крилья Советов» клуби шарафини ҳимоя қилган.

*** Хорхе Кампос ва Хосе-Луис Чилаверт (тегишлича Мексика ва Парагвай терма жамоаларининг собиқ дарвозабонлари) умумий ҳисобда 100тача гол уришган.

*** ФИФА 8та давлат томонидан тузилган: Голландия, Швейцария, Дания, Бельгия, Франция, Швеция, Испания ва Германия. Фақат немислар бу борадаги махсус учрашувда иштирок этишмаган: улар ўз қарорларини телеграф орқали етказишган. ЖАР ФИФАга биринчи бўлиб аъзо бўлган Европа ташқарисидаги илк мамлакатдир.