"Анжи" бош мураббийи Гаджи Гаджиев 15-турнинг "Урал"га қарши учрашувидан сўнг қуйидагиларни таъкидлади.

"Спартак"ка қарши учрашувдагидек ўйин кўрсата олмадик. Яратган вазиятларидан фойдалана олиши керак киши. Бугун фақат ё дарвозабонни, ё дарвоза устунларини нишонга олдик.

Соболев чарчаб қолгани сабаб алмаштиришни сўради. Соломатиннинг ҳам тезлиги пасайган. Шунинг учун уни ҳам алмаштиришга тўғри келди.

Жамоада ҳужумчилар борасида яққол ўйинчилар етишмовчилиги бор. Бугун Разак ҳатто иккинчи ҳужумчи ролида ўйнади. Аҳмедовдан ташқари узоқ масофадан зарба бера оладиган ўйинчиларимиз йўқ. Бундай зарба беришга ҳаракатлар ҳам бўлмади.

Трибунадаги мухлислар бизни ҳақли равишда танқид қилишди. Бу ҳаракатлари билан улар ўйин охирларида жамоанинг фаолроқ ўйнашига мажбурладилар.

Албатта, ўзимга нисбатан танқидлар эшитиш менга ёқимсиз бўлди. Ҳатто оғриқли... "Анжи"да қийин бўлишини билардим...", - деди Гаджиев.