Россия терма жамоаси устози Фабио Капелло келаси йил Бразилияда бўлиб ўтадиган жаҳон чемпионатидан кейин фаолиятини якунлаши мумкин. Бу ҳақда мураббий Италиянинг Rai радиосига берган интервьюсида маълум қилди.
«Португалиядек жамоа ўрин олган гуруҳдан жаҳон чемпионати йўлланмасини қўлга киритиш осон бўлмади. Менга Россияда ишлаш ёқди, лекин энди фаолиятимни якунлаш ҳақида ўйлаяпман»,- дейди Капелло.
Аввалроқ мураббийнинг Россия терма жамоаси билан 2018 йилга қадар шартнома имзолаши хабар қилинган эди.