Ёшлар ўртасида жаҳон чемпионатининг ярим финал ўйинларидан бири якунига етди. Унда Мексика терма жамоаси Аргентинани йирик ҳисобда доғда қолдирди.

Учрашув шиддатли руҳда бошланди. 5-дақиқада тезкор гол урган Шимолий Америка вакиллари 21-дақиқада яна ўша Очоанинг голи ҳисобига икки тўп фарқи билан олдинга ўтиб олди. Кўп ўтмай Аргентинанинг аҳволи янада оғирлашди: Ибанез 31-дақиқада майдондан четлатилди. Бунгача ҳам ўтган дастлабки 30 дақиқада ҳакам уч бор сариқ карточкани чўнтагидан чиқаришига тўғри келганди.

Асосий вақт якунланишига 5 дақиқа қолганида Гранадос учинчи голни ҳам урди. Жанубий америкаликлар ўша вақтгача ҳам, шундан сўнг ҳам бирорта жавоб тўпи уришмади. Қўшимчасига Аргентина ўйинни 9 киши бўлиб якунлади.

Ёшлар ўртасида ЖЧ - 2013. Абу Даби. Ярим финал.
АРГЕНТИНА - МЕКСИКА 0:3 (0:2)
Голлар: Очоа (5, 21), Гранадос (85).
Четлатишлар: Ибанез (31), Баталла (90+2, иккаласи - Аргентина)

Тошкент вақти билан соат 21да Швеция-Нигерия учрашуви бошланади.