"Реал" ҳужумчиси Криштиану Роналду "Ювентус"га қарши учрашувдан сўнг клуб расмий сайтига таассуротлари билан ўртоқлашди.

"Биринчи бўлимда яхши тўп сура олмадик, кўпроқ ҳимоядан ўйнадик. Танаффусда эса мураббийимиз кўпроқ ҳужум қилишимиз ва қанотларни кўпроқ ишга солишимиз кераклигини айтди. Шундай қилдик ҳам ва бу иш берди. Шунинг учун ҳам биз икки бор гол урдик.

Амалда нимчорак финал йўлланмасини нақд қилиб қўйдик, бундан кўнглимиз тўқ. 8та гол ура олганимдан хурсандман. Бу жуда яхши, аммо янада кўпроқ гол киритишга ҳаракат қиламан.

Бэйл - жамоа учун жуда муҳим ўйинчи. Менимча, унинг ҳали бизга кўп фойдаси тегади", - деди Роналду.