"Реал" бош мураббийи Карло Анчелотти жамоасининг "Ювентус"га қарши ўйинларини таҳлил қилиб, жумладан шундай деди:
"Жамоамнинг иккинчи бўлимдаги ҳаракатларидан қониқиш ҳосил қилдим. Биринчи голга тўғри жавоб бердик. Танаффусдан кейин ўйинимиздаги кайфият ўзгардик. Биринчи бўлимда Погба ва Маркизиодан эҳтиёт бўлиб ҳаддан зиёд кўп ҳимояланиб юборгандик. Аммо бу усулдан 2-таймда воз кечдик.
"Ювентус"нинг қанотлардан тўп ошириш имкониятларини чеклашни истагандик ва Серхио Рамос билан бунинг уддасидан чикдик. Рамос - турли позицияларда ўйнай оладиган ажойиб ўйинчи. Унинг ўнг қанотга ўтказилиши - вақтинчалик ҳолат. Унинг марказда кўпроқ фойда беришини биламан. Шунга қарамай, бугун у қанотда мутлақо муаммосиз тўп сурди.
Шунингдек, Бензема ҳам Пирлога қарши яхши ўйнаганини айтиб ўтмоқчиман", - деди Анчелотти.