«Бавария» устози Хосеп Гвардиола «Виктория»га қарши кечган ўйин ҳақида фикр билдирди.

«Виктория»ни 5:0 ҳисобида мағлуб этганимизда кўпчилик ўша учрашувнинг осон кечганини таъкидлаганди, лекин чемпионлар лигасида осон ўйин бўлмайди. Бугунги баҳс ҳам мураккаб ўтди. Чехияликлар ҳам яхши ўйин кўрсатишди. Бироқ чемпионлар лигасида фақат «Бавария» максимум очко жамғарган. Бу эса бизнинг кучимиздан далолат беради.

Биринчи ўйиндаги мағлубиятдан кейин рақиб яхши тайёрланган. Мен футболчиларимни шундай бўлиши ҳақида огоҳлантирган эдим.

«Барселона»даги илк мавсумумда ҳам жамоа бир хил ўйин кўрсата олмаган эди. Кейинги мавсумларда ҳаммаси ўз ўрнига тушди. «Бавария»га янги мураббий ва янги футболчилар келди. Биз ўйинни тўлиқ изга солиб олишимиз учун вақт керак»,- дейди мураббий.