"Челси" бош мураббийи Жозе Моуриньо "Шальке-04" устидан қозонилган ғалабадан сўнг (3:0) жамоаси қандай ўйнаш керак бўлса, шундай ўйин кўрсатганини таъкидлаб, кўтаринки кайфиятда фикр билдирди.

"Менимча, ҳаммаси яхши ўтди. Аммо дастлабки 15 дақиқа қийинроқ бўлди.

Жамоамиз жуда тажрибали, лекин, албатта, рақиб ҳам омади келмай ўз имкониятлардан фойдалана олмаганини таъкидлаш керак. Ўйиннинг қолган қисмида эса зўр ўйнадик: аниқ ва режалаштирилганидек.

Тўп билан муомала қилишда тенги йўқ техника намойиш этдик. Петр [Чех]  ажойиб сейв кўрсатди. Умуман, ҳамманинг ўйини фахрланса арзигудек бўлди. Айниқса - қанот ўйинчиларимиз. Биз тўла вақт давомида шиддатли ўйиб кўрсатдик, доимий равишда тезликни ошириб боришга ҳаракат қилдик. Мана энди амалда плей-оффдамиз", - деди Моуриньо.