Биринчилик баҳлари якунланганига бир неча бўлишига қарамай, мавсумни сарҳисоб қилишда давом этамиз. Бу борада иккинчи босқични “Андижон” жамоаси қандай ўтказганлигига эътиборингизни қаратмоқчимиз.
Шарқ ва Ғарб минтақасида 8тадан 16та жамоа олий лига йўлланмаси учун кураш олиб борди. Иккинчи босқичда жамоалар 16та ўйин ўтказишди. Гарчи жамоамиз турнир жадвалида “Машъал”дан сўнг 2-ўринни банд этиб олий лига йўлланмасини қўлга киритган бўлса-да, Азамат Абдураимов шогирдлари жуда фаол ўйин ўтказиб иккинчи босқич ғолиби бўлишди.
Иккинчи босқичда андижонликлар 13та ўйиннинг 10тасида ғалаба қозонишди ва фақат учта учрашувда имкониятни бой беришди холос. “Машъал”га иккала ўйинда ва Навоийда “Зарафшон”га имконият бой берилди. Жамоамиз 2-босқичда ҳаммадан кўп 39 очко жамғарди. “Машъал” эса 12та ғалаба бир дуранг ва уч бор мағлубиятга учраб 37 очко тўплаб иккинчи бўлди. “Хоразм” билан “Қўқон-1912” жамоалари бир хил 33тадан очко жамғаришди. Бундан ташқари сермаҳсуллик борасида ҳам “Андижон” футболчилари етакчилик қилишди. Андижонликлар ўтказилган 16 учрашувда рақиблар дарвозасини 47 марта ишғол этишди. Ўз дарвозасидан 12та тўп ўтказиб юборишди. “Машъал” эса 31та гол уриб, дарвозасидан 10та тўп олиб чиқди. Абдураимов шогирдлари “Орол” ва “Зарафшон” дарвозаларига 7тадан тўп киритишди. Шунингдек, “Хорзам” , “Регистон”, “Шердор” ва “Аланга” жамоалари билан бўлган учрашувларда ҳам йирик ғалабаларни қайд этишди.
Иккинчи босқичда Лочин Солиев, Баҳром Абдураҳимов ва Алишер Тўхтасинов тўпурарлик маҳоратларини намойиш этишди. Солиев ўз ҳисобига 10та гол ёзиб қўйди. Унинг мавсумдаги барча голлари сони 15та бўлди. Абдураҳимов 13та, Тўхтасинов эса 12та голга муаллифлик қилишди. Шунингдек,“Зарафшон” билан баҳсда Солиев покерга эришганини таъкидлаб ўтиш жоиз. Бундан ташқари, иккинчи босқичда Акмал Жўрабоев (6та), Расул Раҳмонов (5та), Асқар Жадигеров (3та), Сардор Соибов (3та) ва Даврон Турсунов (2та) ҳам гол уришди.
Иккинчи босқичнинг якуний жадвали
№ |
Жамоалар | Ў | Ю | Д | М | Т-Н | О |
| 1 | Андижон | 16 | 13 | 0 | 3 | 47-12 | 39 |
| 2 | Машъал | 16 | 12 | 1 | 3 | 31-10 | 37 |
| 3 | Хоразм | 16 | 10 | 3 | 3 | 28-15 | 33 |
| 4 | Қўқон-1912 | 16 | 10 | 3 | 3 | 31-16 | 33 |
| 5 | Спартак | 16 | 9 | 0 | 7 | 31-27 | 27 |
| 6 | Зарафшон | 16 | 7 | 4 | 5 | 35-33 | 25 |
| 7 | Истиқлол | 16 | 6 | 5 | 5 | 20-17 | 23 |
| 8 | Шердор | 16 | 6 | 2 | 8 | 22-28 | 20 |
| 9 | НБУ-Осиё | 16 | 6 | 2 | 8 | 20-30 | 20 |
| 10 | Косонсой | 16 | 6 | 1 | 9 | 25-24 | 19 |
| 11 | Оқтепа | 16 | 5 | 4 | 7 | 22-27 | 19 |
| 12 | Чуст-Пахтакор | 16 | 6 | 1 | 9 | 23-38 | 19 |
| 13 | Регистон | 16 | 5 | 3 | 8 | 25-33 | 18 |
| 14 | Аланга | 16 | 3 | 4 | 9 | 17-24 | 13 |
| 15 | Пахтакор-2 | 16 | 3 | 2 | 11 | 17-37 | 11 |
| 16 | Орол | 16 | 3 | 1 | 12 | 14-34 | 10 |
