Украина терма жамоасининг собиқ ҳужумчиси, Киевнинг "Динамо", "Милан" ва "Челси" клубларида тўп сурган Андрей Шевченко Украинада мураббийлик курсларини тамомлади ва лицензия олди.

Янги мураббий диплом олганидан сўнг илк таассуротлари билан "Футбол" телеканалига интервью берди:

"Замонавий футбол энг кўп талаб этаётган нарса бу - футболчиларнинг тезлиги, жисмоний ва техник тайёргарликларидир. Шунинг учун бугун энг олий даражадаги муаммоларни ҳам ҳал этиш учун фақат биргина ўйин моделидан фойдаланиш имконсиз. Улардан бир нечтасини билиш керак, футболчиларни профессионал тарзда тайёрлай олиш зарур.

Бу ерда олган ва 20 йиллик фаолиятимдан келган билимларим - буларнинг барчаси, ўйлайманки, фойдаси тегади", - дейди мураббий.