«Атлетико» ҳужумчиси Диегу Коста Испания терма жамоасининг Экваториал Гвинея ва ЖАРга қарши учрашувларида жароҳати сабаб майдонга туша олмайди. Бу ҳақда Испания футбол иттифоқининг твиттер саҳифасида хабар берилди.
Костанинг ўрнига терма жамоага «Ювентус» ҳужумчиси Фернандо Льоренте таклиф қилинди.
Хабарингиз бор, футболчи Бразилия терма жамоасининг Чили ва Гондурасга қарши кечадиган ўйинларига ҳам таклиф қилинган, лекин Коста Испанияни танлаган эди.













