Сэр Алекс Фергюсон спортдаги узоқ йиллик меҳнатлари учун ВВСнинг ҳар йилги "Жаҳон спортида йил одамлари" совринини олади. Бу ҳақда Daily Mail хабар тарқатган. Совринни топшириш маросими 15 декабр куни Лидсда бўлиб ўтади.

Хабарингиз бўлса, аввалроқ - 2004 йилда Фергюсон ВВСга бойкот эълон қилган. Бунга Фергюсон ўғлининг агентлик фаолиятига бағишланган баҳсли ҳужжатли филми сабаб бўлганди. Шундан сўнг 7 йил давомида сэр ушбу компания журналистлари билан суҳбатлашишдан кўра бунинг учун жарима тўлашни афзал билиб келди. Томонлар 2011 йилда ярашишди ва бу йилги юқорида номи келтирилган совриннинг топширилиши ўртадаги келишмовчиликларнинг буткул барҳам топишига сабаб бўлади.

Фергюсон бу совринни икки марта олган биринчи шахсга айланади. Бунгача у 2001 йилда ҳам ушбу мукофот соҳиби бўлган.

Футболда Фергюсондан ташқари, ВВС совринига Жорж Бест, Пеле, сэр Бобби Робсон, сэр Бобби Чарльтон ва Дэвид Бекхэмлар сазовор бўлганлар.