Хабар бериб ўтганимиздек, "Манчестер Сити" ҳимоя чизиғини мустаҳкамлаш ҳақида ўйламоқда. Шу йўлда клуб Миланнинг "Интер" жамоасидан Самир Хандановични сотиб олишни истамоқда, дея хабар бермоқда Football Italia.
29 ёшли словенияликни "шаҳарликлар" 20 миллион фунтга ҳарид қилишни режалаштирмоқда. Трансфер шу қишдаёқ амалга ошиши керак. Гап шундаки, "Интер" еврокубокларда қатнашмаяпти, шу боис Хандановични ЧЛнинг баҳорги ўйинлари учун заявка қилиш мумкин.
Шу тариқа, "Сити" ҳимоячи чизиғини мустаҳкамлайди. Бундай қилинишига сабаблардан бири эса сўнгги пайтларда асосий посбон Жо Хартнинг қўпол хатоларга йўл қўяётганидир.