"Челси" яримҳимоячиси Майкл Эсьен "Реал"дан қайтгач Лондон клубида ўйин амалиёти камлиги уни безовта қилмаётганини айтиб ўтди.
"Челси" захирасида ўтиришим менга малол келаётгани йўқ. Бу вазиятдан чиқиб кетиш учун мен етарли даражада тажрибали ўйинчиман. Ишлашда ва машғулотлар қилишда давом этаман. Умид қиламанки, менинг ҳам вақтим келади ва мен ўйнайман.
Жозе Моуриньо менга Гана терма жамоасида ўйнашни тўхтатишимни маслаҳат бердими? Асло. Мураббий билан алоқаларим яхши. Муаммо йўқ. Моуриньо Гана учун ўйнамаслигимни илтимос қилгани йўқ", - деди Эсьен Goal.com мухбири билан интервью чоғида.