БАТЭ ярим ҳимоячиси Александр Глеб ўзининг «Барселона» ва «Арсенал»даги фаолияти ҳақида гапириб ўтди.

«Менинг энг яхши дамларим «Арсенал»да ўтган. Нафақат футболчи сифатида, балки инсон сифатида ҳам. «Арсенал» – ажойиб жамоа. Йўқ, йўқ ажойиб оила. Бу ном жамоага мос тушади. У ерда ғалабани бирга нишонлардик, мағлубиятни ҳам биргаликда қабул қилардик.

«Барселона»га ўтиб хато қилдим. Мен борибоқ асосий таркибда ўйнашни хоҳлардим, кутишни эмас. Мен жамоани эмас фақат ўзимни ўйладим ва кўпчиликни хафа қилиб қўйдим. Шу тариқа мен фаолиятиминг энг яхши дамларини ўтказиб юбордим.

Мен учун дунёдаги энг яхши мураббий – бу Арсен Венгер. У билан ишлашни ҳар бир футболчи орзу қилиши керак. У футболчилар билан худди отадай гаплашар эди. У футболчиларга ҳаттоки, майдондан ташқарида ҳам ёрдам берарди. Ҳар қандай муаммони ҳал қила оларди. Доим тўғри сўзни топа олади. Унинг «Арсенал»да узоқ вақт давомида ишлаётгани бежизга эмас»,- дейди футболчи.