"Атлетико" ҳужумчиси Давид Вилья Испания терма жамоаси асосий таркиби учун бўлаётган кураш ҳақида сўзлаб берди.
"Терма жамоадаги ҳар бир позиция учун рақобат бор. Охирги бир неча йилда биз бир неча марта яхши ўйинчиларнинг заявкага кирмай қолганининг гувоҳи бўлдик. Чунки ҳамма учун таркибда жой етмайди.
Кураш қизғин. Бир кун ҳам тўхтамаяпти. Бир Жаҳон чемпионатига чиқиш ва яна бирор нимага эришиш учун бир-биримиз билан рақобат қилишимиз керак.
ЖАРда ғалаба қозониш осон бўлмаганди Бразилиядаги мусобақадан олдин ҳам кўп ишлашимизга тўғри келади. Аммо бизга яна биринчи бўлиш учун етарли ҳамма нарса бор", - деди Вилья.