Германия терма жамоаси ҳимоячиси Жером Боатенг Италияга қарши бўлиб ўтадиган ўртоқлик ўйинидан олдин рақиб жамоа ҳужумчиси Марио Балотеллидан қўрқмаслигини таъкидлади.
«Балотелли бизни Европа чемпионатидан чиқариб юборди, лекин бу мен ундан қўрқаман дегани эмас. Ҳа, дунёдаги энг кучли ҳужумчилардан бир экани рост. Мариони ушлаш жуда қийин вазифа. Лекин бу бизнинг ҳимоя чизиғи ва шахсан мен учун жуда қизиқарли.
Балотелли каби футболчида бутун ўйин давомида битта бўлса ҳам имконият бўлади. Лекин уни жамодан узиб қўйиш керак. Менимча, мен буни уддалайман. Унга осон бўлмаслиги учун ҳаракат қиламан»,- дейди ҳимоячи.
