Мадриднинг «Реал» клуби ҳимоячиси Пепе Криштиану Роналдунинг бу йилги «Олтин тўп»ни ютиши керак эканини таъкидламоқда.

«Яна бир бор такрорлайман, Криштианунинг бу совринга бир мартагина муносиб кўрилгани ақлга сиғмайди. Оддий мисол, статистикага қаранг. Роналду 7-8 марта кучли учликка кирди, лекин бор йўғи бир марта конвертдан унинг номи чиқди. Бу тўғри эмас.

Бу яна бир бор футболда ғайритаббий ишлар бўлишини кўрсатади. Умид қиламанки, бу йил совринни Криштиануга беришади. Блаттернинг у ҳақда айтган гаплари эса аслида гап нимада эканини кўрсатиб турибди. Бу одамларнинг кўзларини очди деб умид қиламан»,- дейдио Пепе.

Фуболчи аввал ҳам Мессининг «Олтин тўп»ни олишига Блаттернинг қўли борлиги ҳақида гапирган эди. Блаттернинг Роналду ҳақида гапирган охирги гапларидан кейин эса футболчи ўз фикрининг тасдқиланганини матбуотга билдирмоқда. Охирги кунларда кўплаб нашлардан унинг айнан шундай мазмундаги интервьюлари чоп этилди.