Швеция терма жамоаси ҳужумчиси Златан Иброҳимович жаҳон чемпионати саралаши доирасидаги ўтиш ўйинлари ҳақида фикр билдирди. Хабарингиз бор, шведлар жаҳон чемпионатига чиқиш учун Португалия билан баҳслашишади.
«Жаҳон чемпионатига Златан Роналдудан кўра муҳимроқ. мен мухлисларга ҳақиқий футбол завқини улаша оламан, ажойиб голлар ураман. Менимча, мухлислар ҳам мени Бразилияда кўришни хоҳлашмоқда.
Роналдуни футболчи сифатида ҳурмат қиламан. Унинг энг яхшилардан бири эканига шубҳам йўқ. Айнан Роналдунинг жаҳон чемпионатини ўтказиб юбориши учун Португалияга қарши иккита ўйинда бор кучимни сарфлашим керак.
Жаҳон чемпионати тарих зарварақларига олтин ҳарфлар билан мухрланадиган мусобақа. Унда энг яхшилар қатнашиши керак. Агар, Роналду, Неймар, Месси, Хави ёки Рунилар унда қатнашишмаса, футбол кўп нарса йўқотади. Афсуски, бу гал иккимиздан биримиз мундиалда қатнаша олмаймиз»,- дейди футболчи.
