«Эвертон» посбони Тим Хоуард Дэвид Мойеснинг «МЮ» билан яхши натижаларга эришишига ишонмоқда. Хабарингиз бор, мураббий «Эвертон»да ўн йилдан ортиқ вақт давомида фаолият олиб борган.

«Мен унинг қўл остида футболчи сифатида ўсдим. Ортга қарар эканман у менинг фаолиятимда катта ўрин тутгани ҳақида ўйлайман. Мен яхши ўйнаганимда у менга билдирмай олқишларди. Ёмон ўйнаганимда эса юзимга айтарди. У отага ўхшарди.

Мойес менга ишонарди, лекин бу ишонч остида катта масулият ётарди. Унинг ҳалол инсон эканини алоҳида қадрлайман.

Мойес юқори даражадаги мураббий ва қўл остидаги футболчиларнинг ҳаммасини энг яхши ўйинчига айлантира олади. У «МЮ»га мос тушади. Албатта, Алекс Фергюсоннинг ўрнини эгаллаш осон эмас, лекин Мойес уддалайди»,- дейди футболчи.