Англия терма жамоаси ярим ҳимоячиси Фрэнк Лэмпард келаси йили жаҳон чемпионатига бориши кафолатланмаганини таъкидлади.
«Терма жамоадан мени четда қолдириши мумкин бўлган ёшлар ўсиб келаётганини кўриб турибман. Сенинг неча ёш эканинг эмас, қандай футбол кўрсатишинг муҳим. Мен рақобатга тайёрман.
Бош мураббий ҳар доим айтади, у учун 17 ёшли футболчи ҳам 35 ёшли ўйинчи ҳам бир хил. Буни эшитиш жуда ёқимли, албатта. Демак ҳаммаси ўзимга боғлиқ.
Агар мен терма жамоа таркибида 103та ўйин ўтказганман ва бу менинг Бразилияга боришимни кафолатлайди деб ўйласам, жаҳон чемпионати вақти соҳилда офтобда тобланиб ётган бўламан. Терма жамоада ҳеч ким ўзини бундай тутади деб ўйламайман»,- дейди футболчи.
