Мадриднинг «Реал» клуби ҳамда Германия терма жамоаси ярим ҳимоячиси Сами Хедира мавсумнинг қолган қисмини ва келаси йил бўлиб ўтадиган жаҳон чемпионатини ўтказиб юбориши мумкин.
Кеча бўлиб ўтган Италияга қарши ўртоқлик ўйини вақтида футболчининг майдонни эрта тарк этгани ҳақида хабар берган эдик. Хедиранинг жароҳати жуда жиддий бўлиб чиқди. Унинг тиззасидан жароҳат олгани маълум бўлди.
«Сами операция қилинади. Умид қиламизки, у жаҳон чемпионатигача тикланишга улгуради»,- дейди терма жамоа врачи.
Таъкидлаш жоизки, футболчи Италияга қарши ўйиннинг 67-дақиқасида Андреа Пирло билан тўқнашиб кетган ва майдонни тарк этган эди. Лекин футболчининг ўзи ўша тўқнашувдан олдин ҳам тиззасида оғриқ сезган эди.
