Швеция терма жамоаси сардори Златан Иброҳимович ўз жамоасининг Португалия термасидан учраган мағлубиятидан сўнг фикрлар билан ўртоқлашди.
"Балки бу уриниш терма жамоа билан жаҳон чемпионатида қатнашишим учун сўнггиси бўлгандир. Бир нарсани айтишим керак: менсиз жаҳон чемпионатида томоша қиладиган нарсанинг ўзи бўлмайди, шунинг учун уни кутишга ҳам арзимайди. Португалияни табриклайман, аммо мундиалга ҳар иккала терма ҳам муносиб эди. Албатта, биз хафамиз. Энди Швеция термаси учун Бразилияга бориш орзулигича қолди", - дейди Иброҳимович швед журналистларига.
