Уругвай терма жамоаси ЖЧ-2014нинг сўнгги иштирокчисига айланди. Табарез шогирдлари ўз майдонларида Иорданияни қабул қилишди ва учрашувда ҳисоб очилмади.

Иорданияда ўтган дастлабки ўйинда уругвайликлар 5:0 ҳисобида ғалаба қозонганидан кейин Монтевидеодаги стадион ҳам мухлислар билан тўлиб тошди. Аммо маҳаллий ишқибозлар кўз ўнгида мезбонлар ғалаба қозона олишмади. Иорданияликлар рақибни ҳар бир қарич ерда таъқиб қилишди ва ўз дарвозалари дахлсизлигини сақлаб қолишди.

Шунга қарамай, ўйиндан кейин стадионда мушакбозлик қилинди. Мухлислар жамоанинг Бразилия йўлланмасини қўлга киритганини нишонлашди.

ЖЧ-2014 саралаш. Қитъалараро плей-офф
Уругвай – Иордания 0:0
Уругвай – Сильва, Лугано, М. Касерес, Годин, М.Перейра, Аревало, К. Родригес, Лодейро (Г. Рамирес, 61), Суарес, Кавани (Эрнандес, 82), Стуани (Форлан, 61).
Иордания – Шатнавий, Абу Хаш-Хаш, Ал-Дмейрий, Оқил, Хайел Иброҳим (Ал-Баваб, 90), Зиёд, Заҳрон, Адус, Аднан, Хайр ал-Жамол (Бани Атеяҳ, 60), Дийб Салим (Ар-Равашдеҳ, 87).
Огоҳлантиришлар: Ал-Дмейрий (20), Адус (22), Заҳрон (56), Годин (90).