"Актобе" клуби етакчиларидан бири ҳисобланган ва жамоа билан яна бир йиллик шартномага имзо чеккан Темур Кападзе айни дамда Тошкентда дам олмоқда.

— Темур, нималар билан бандсиз?
— Ҳозирча уйда оилам билан дам олмоқдаман.

— Мавсумлар оралиғи учун қандай режалар тузяпсиз? Дам олиш учун бирор жойга бориш ниятингиз йўқми?
— Йўқ. Ҳозир аёлим ҳомиладор. Ҳомиласи катта бўлиб қолган. Унга учиб мумкин эмас.

— Миллий терма жамоадаги фаолиятингизда юзага келган танаффус вақтинчаликми ёки бор эътиборингизни клубдаги ўйинингизга қаратишга қарор қилдингизми?
— Бу танаффус эмас. Қозоғистон чемпионатининг сўнгги туридан кейин бироз касал бўлиб қолдим. Уни чуқурлаштириб юбормасликка қарор қилдим. Терма жамоа мураббийлари ҳам менга дам беришга қарор қилишди.