Украина терма жамоасининг собиқ футболчиси Андрей Шевченко жамоанинг Францияга қарши кечган ўйинлари ҳақида фикр билдирди.

«Бизда имконият кўп эмасди. Чунки Франция жуда кучли жамоа ва улар яхши тайёргарликка эга. Иккинчи ўйинда бизга Кучер ва Федецкий етишмади. Жуда афсусдаман.

Йигитлар бундай баҳслардан кейин катта ўйин нима эканини ўз таналарида ҳис қилишди. Бу тажриба мактаби бўлади ва келажак учун фойда келтиради. Фоменкога омад тилайман. У жуда катта ишни амалга оширди. Ҳеч ким ишонмаганда жамоани плей-оффгача олиб чиқди. Жаҳон чемпионатига олиб чиқолмаган бўлса ҳам, у ўзини яхши томондан кўрсата олди. Менимча, бундай ўйинлардан кейин Фоменко жамоада қолиши керак»,- дейди Шева.