«Севилья», «Лион», «Вест Ҳэм» ва «Тоттенҳэм»даги ўйинлари билан танилган Мали терма жамоасининг собиқ футболчиси, ҳозирда Хитойнинг «Бейцзинг Гуан» жамоаси шарафини ҳимоя қилаётган Фредрик Кануте профессионал фаолиятини якунлашини маълум қилди.

Radio Sevilla радиосига берган интервьюсида футболчи Хитой жамоаси билан шартномани узайтирмаслигни таъкидлаган.

«Севилья» таркибида Кануте икки марта қаторасига УЕФА кубогида ғолиб чиқган. Жамоа тарихидаги энг яхши легионерга айланган.

2007 йилда Африканинг энг яхши футболчиси деб топилган. Мали терма жамоаси таркибида 39 учрашувда майдонга тушган ва 23та голга муаллифлик қилган. Фаолияти давомида Кануте 581 ўйинда майдонга тушган ва рақиблар дарвозасига 232 марта гол киритган.