«Ливерпул»нинг бразилиялик футболчиси Фелипе Коутиньо «Эвертон»га қарши ўйин олдидан ўз фикрлари билан ўртоқлашди.

«Мен Бразилия, Испания, Италия ва Англияда яшаганман. Англия мен учун энг қулай жой деб биламан. Италияда ўйин амалиётига эга бўлмаётган эдим. Шунинг учун «Ливерпул»нинг таклифини иккиланишсиз қабул қилдим. Бу ерда мухлислар жуда ажойиб. Стадионда қўшиқ эшитгандай бўламан.

Биз еврокубокларда қатнашмаймиз ва бу премьер лига чемпионлиги учун курашда фойда келтириши мумкин. Биз камроқ ўйин ўтказамиз. Фикримча, ҳеч бўлмаса чемпионлар лигаси йўлланмасини берадиган ўринлардан бирини қўлга кирита оламиз.

Татуировкалар? Йўқ, мен бу борада Шкртелдан маслаҳат олмайман. Мен таттоларимга жиддий эътибор қаратаман. Ҳар бирининг маъноси бор.

Албатта, «Эвертон»га қарши ўйин мураккаб кечади. Луис Суареснинг ўйинлари бу кеча бизга қўл келади деб ўйлайман»,- дейди футболчи.