«Ливерпул» посбони Симон Миньоле кеча бўлиб ўтган «Эвертон»га қарши ўйин ҳақида фикр билдирди. Таъкидлаш жоизки, кўпчилик Ливерпул дербисининг энг яхши футболчиси деб Рамелу Лукаку ҳамда Миньолени қайд этишганди.
«Баъзида дарвозабон зерикиб кетади, баъзан эса кечагига ўхшаб бўш вақт бўлмайди. Дарвозабоннинг вазифаси – гол ўтказиб юбормаслик.
Ўз дарвозангдан учта гол ўтказиб юбориб, яхши ўйнадим деб айта олмайсан.
Тўғрисини айтсам, ўйин тугашига беш дақиқа қолганида ютқазамиз деб ўйлагандим. Старридж бизни мағлубиятдан қутқариб қолди. Келаси ҳафта уч очко олишга ҳаракат қиламиз»,- дейди футболчи.
