"Барселона" ҳужумчиси Леонел Месси Каталония клубидан кетмаслигини яна бир бор таъкидлаш билан бирга, "Реал" ҳужумчиси Криштиану Роналду ҳақида илиқ фикрлар билдирди.

"Исмимни бошқа катта клублар билан боғлашаётганларини эшитиш ёқимли. Менга кўплаб жамоалар қизиқмоқда, аммо фикрим ўзгармайди: менга "Барселона"да ўйнаш ёқади. "Барса" ҳамма вақт менинг орзулар жамоам бўлиб келган. Ҳозирча мавсум мен учун у қадар муваффақиятли кечаётгани йўқ, аммо Рождестводан кейин - чемпионатнинг энг қийин даври бошланадиган вақтда, умид қиламанки, ҳаммасига тайёр бўламан.

Португалия терма жамоаси? Уларнинг ЖЧ-2014да қатнашишларидан хурсандман. Жаҳоннинг энг яхши жамоалари бу турнирда қатнашиши керак. Шунинг учун, агар энг зўр бўлишни истасанг, энг яхшилар устидан ғалаба қозонишинг керак бўлади.

Криштиану Роналдунинг ҳам ЖЧга бораётгани яхши. У - буюк футболчи. Ҳозир ҳамма унинг қанчалик яхши тўп сураётгани ҳақида гапирмоқда, аммо унутмайлик, ахир у бир неча йилдан буён ҳам клуб, ҳам терма жамоаси сафида ёрқин ўйин кўрсатяпти", - деган Мессининг сўзларидан иқтибос келтирмоқда AS.