Буркина Фасо футбол иттифоқи Жазоир терма жамоасини Бразилияда бўлиб ўтадиган жаҳон чемпионати иштирокчилари сафидан четлатилишини талаб қилмоқда. Бу ҳақда World Football хабар бермоқда.
Манбада айтилишича, жаҳон чемпионати саралашининг ўтиш ўйинлари доирасидаги Буркина Фасога қарши кечган жавоб ўйинида Жазоир терма жамоаси таркибида сариқ карточкалари сабаб ўйинни ўтказиб юбориши керак бўлган Мажид Бугерра майдонга тушган.
Футболчи ўтиш ўйинларининг биринчисида сариқ карточка олган. Бунгача эса гуруҳ босқичининг Малига қарши кечган ўйинида ҳам огоҳлантирилган. Лекин ФИФА протоколида бу қайд этилмаган. Ўша ўйинни бошқариб борган ҳакам Янне Шиказе ҳам футболчига сариқ карточка кўрсатганини тан олган.
Таъкидлаш жоизки, Буркина Фасо ўтиш ўйинларининг биринчисида Жазоирни 3:2 ҳисобида мағлуб этган. Жавоб ўйинида эса мезбонлар 1:0 ҳисобида ғалаба қозониб, жаҳон чемпионатига чиқган. Ягона голга эса айнан Бугерра муаллифлик қилган.
