"Бавария"нинг франциялик яримҳимоячиси Франк Рибери "Олтин тўп"ни олиш имкониятлари борасида яна ва яна фикр билдирар экан, бу сафар ҳам ғалабасига ишончи комил эканини таъкидлади.
"Қўрқмаяпман, ўз кучимга ишонаман. Керакли барчасини бажариб қўйганман. Ҳа, мен, мисол учун Роналдудек, ҳар бир ўйинда гол урганим йўқ, аммо рақибларнинг ҳимояси доимий равишда хавф остида эди. Мен кўпроқ барқарор ўйин намойиш этдим.
Бу йил менда хатолар бўлгани йўқ. Бутун йилни аъло даражада ўтказдим, ҳам терма жамоада ва ҳам "Бавария"да. Мюнхен клубининг ўтган мавсумдаги хет-трики - бу мутлақо тарихий натижа!
Криштиану Роналдудан қўрқаманми? Мутлақо йўқ, ишонаверинг", - деган Риберининг сўзларидан иқтибос келтирмоқда Le Monde.