«Манчестер Сити» ярим ҳимоячиси Самир Насри ўтган йилнинг охирида ўзининг спорт формасини йўқотиб қўйгани ҳақида фикр билдирди.
«Ўтган мавсумда ўзимни яхши ҳис қилолмадим. «Сити» учун кераксиздай бўлиб қолдим. Йил охирига келиб мен уйғониш кераклигини англаб етдим.
Яқинларим билан гаплашдим ва фақат олдинга қараб юриш, ўз ишимдан роҳатланишим кераклигига ишондим. Одам баъзида қилган хатоларини ҳам тан ола билиши керак. Мен футболчи ва инсон сифатида ўсдим»,- дейди Насри.