«Арсенал» устози Арсен Венгер чемпионлар лигаси доирасидаги «Марсел»га қарши кечган ўйин ҳақида фикр билдирди. Мураббий ўйинда иккита голга муаллифлик қилган Жек Уилшернинг ўйинига ҳам алоҳида тўхталди.
«Ўзимизни эркин ҳис қилишимиз мумкин, лекин биз Неаполдаги ўйинда ҳам ғалаба қозонишни хоҳлаймиз. Уилшер яна яхши ўйнай бошлади. Бундан жуда хурсандман.
Иккинчи гол тезроқ киритилишини хоҳлагандим, лекин барибир вазифани уддаладик. Ҳали кейинги босқич масаласини ҳал қилганимиз йўқ. Бугунги ишни Неаполда ҳам такрорлашимиз керак»,- дейди мураббий.
