«Барселона» устози Херардо Мартино кеча «Аякс»га қарши кечган ўйиннинг биринчи бўлимидан кўнгли тўлмаганини таъкидлади.
«Биз футболчилар билан жиддий гаплашиб олишимиз керак. Албатта, «Барселона» кейинги босқич масаласини ҳал қилиб бўлган, «Аякс» эса бу учун курашмоқда, лекин биринчи таймдагидай ўйнамаслигимиз керак.
Футболчиларимиз ўзларини таҳлил қилишни билишади ва биз хатолардан тегишли хулоса чиқаришимиз керак. Биринчи бўлимда футболчилар нима қилишганини ўзлари ҳам тушунишмади. Иккинчи бўлимда эса ўйинимизга сал маза кирди»,- дейди мураббий.
