«Боруссия Д» ярим ҳимоячиси Генрих Мхитарян кеча бўлиб ўтган «Наполи»га қарши ўйиндан кейин ўз фикрлари билан ўртоқлашар экан, жамоанинг кейинги босқичга чиқишига шубҳаланмаслигини таъкидлади.
«Биз зўр ўйин кўрсатдик деб ўйлайман. Ўзим ҳам гол урмоқчи эдим, лекин ўхшамади. Мен тўхтаб қолмаслигим, жамоа учун қўлимдан келганича ҳаракат қилишим керак.
Ҳисобда олдинда бораётганимизда ҳам ҳужум қилдик. Рақиб эса фақат ҳимояда ўйнади. Қарши ҳужумда кўп имкониятга эга бўлдик. Учинчи гол ҳам шу тарзда киритилди.
Гуруҳдан чиқишимизга ишонамиз. «Марсел»нинг кучли жамоа эканини рад қилмайман, лекин биз улар билан қандай ўйнаш кераклигини биламиз ва ғалаба қозонамиз деб ўйлайман»,- дейди Мхитарян.
