Келаси йилнинг 11-26 январь кунлари Уммонда 22 ёшгача футболчилар ўртасида Осиё чемпионати ўтказилади.

Бунда Ўзбекистон U-22 терма жамоаси ҳам иштирок этади. Вакилларимиз гуруҳда Хитой, Ироқ ва Саудия Арабистонига қарши тўп суришади.
 
Мусобақа регламентига кўра, турнирда 1991 йилда туғилган ва ундан кичик футболчилар иштирок этишади. Катта эҳтимол билан терма жамоамизнинг ўзагини 1991-92 йилда туғилган футболчилар ташкил қилади.

Бизгача етиб келган хабарларга қараганда, Шерзод Файзиев билан Жаҳонгир Абдумўминовнинг Осиё чемпионатига бориши кутиляпти. Қуйида мусобақага “Машъал”дан яна кимлар бориши мумкинлигини келтириб ўтамиз.

ШЕРЗОД ФАЙЗИЕВ, ҳимоячи.
Туғилган санаси: 1992 йил, 6 февраль. Осиё чемпионати U-22 саралаш босқичи иштирокчиси.

ШАҲЗОД ШАЙМАНОВ, ярим ҳимоячи.
Туғилган санаси: 1992 йил, 2 апрель. Ўзбекистонда 2008 йилнинг “Энг яхши ёш футболчиси” деб топилган.

ЖАҲОНГИР АБДУМЎМИНОВ, ярим ҳимоячи.
Туғилган санаси: 1993 йил, 9 февраль. Осиё чемпионати U-19 иштирокчиси.

ИХТИЁР ТОШПЎЛАТОВ., ҳужумчи.
Туғилган санаси: 1993 йил, 4 март. Осиё чемпионати U-19 иштирокчиси.