6 декабрь куни Бразилияда ўтадиган навбатдаги ЖЧга қуръа ташлаш маросими бўлиб ўтади. Ушбу маросим Бразилиянинг Баҳия шаҳрида соат 21:00 (Тошкент вақти билан) ўтказилади. Тадбир шоу шаклида ташкил этилади ва унда кўплаб санъат юлдузлари ва машҳур футболчилар иштирок этишади.

Қуръа саватчалари қандай кўринишда бўлади? ФИФАнинг октябрь ойи рейтингида энг юқори ўринни эгаллаган 7 жамоа (Испания, Германия , Аргентина, Колумбия, Бельгия, Уругвай, Швейцария) ва мезбон Бразилия 1-саватчада бўлишади.

Иккинчи саватчада эса КОНКАКАФ (АҚШ, Мексика , Коста-Рика ва Гондурас) ва Осиё (Япония, Эрон, Жанубий Корея ва Австралия) жамоалари ўрин олишади.

Учинчи саватча эса Африканинг беш (Кот-д'Ивуар, Гана, Жазоир, Нигерия ва Камерун), Жанубий Американинг қолган икки (Чили ва Эквадор) ҳамда Европанинг энг рейтинги паст жамоаси — Франциядан ташкил топган.

Ниҳоят, тўртинчи саватчадан Европанинг 8 жамоаси (Голландия, Италия, Англия, Португалия, Греция, Босния ва Герцеговина, Хорватия ва Россия) жой олган.

Бир гуруҳдан максимум Европанинг икки жамоаси ўрин олиши мумкин. Шунингдек, бошқа қитъанинг икки вакили бир гуруҳдан жой олмайди.

ЖЧ қуръаси саватчалари
1-саватча: Бразилия, Испания, Германия , Аргентина, Колумбия, Бельгия, Уругвай, Швейцария, Бразилия
2-саватча: АҚШ, Мексика , Коста-Рика, Гондурас, Япония, Эрон, Жанубий Корея, Австралия
3-саватча: Кот-д'Ивуар, Гана, Жазоир, Нигерия, Камерун, Чили, Эквадор, Франция
4-саватча: Голландия, Италия, Англия, Португалия, Греция, Босния ва Герцеговина, Хорватия, Россия