Озарбойжон чемпионатида 15-тур ўйинлари якунланди. "Нефтчи" жамоаси "Қорабоғ"нинг очко йўқотганидан фойдаланиб, 1-ўринга кўтарилиб олди.
Бокуликлар "Сумгайит" клуби меҳмони бўлишди ва 2:1 ҳисобида ғалаба қозонишди. Биринчи бўлим 1:1 ҳисоби билан якунланганди. Ўйин тугашига 4 дақиқа қолганида Митреску "Нефтчи" 3 очко келтирган тўп муаллифига айланди. Баҳодир Насимов асосий таркибда майдонга тушиб, ўйинда тўлиқ ҳаракат қилди.
Ушбу ғалабадан кейин "Нефтчи" ҳисобида 31 очко мавжуд бўлса, "Қорабоғ" ва "Ғабала" 30 ва 29тадан очкога эга. Насимов эса 5та гол билан тўпурарлар рўйхатида 4-ўринда бормоқда.