"ПСЖ" яримҳимоячиси Тиаго Мотта катта гапирмоқда: унинг айтишича, парижликлар - ЕЧЛнинг ушбу мавсумида бош соврин учун асосий даъвогарлар.
"Чемпионлар лигасини ютишимизга шубҳам йўқ. Жамоамиз жуда ҳам кучли. Мақсадимиз - апрелга борганда ҳам биз курашаётган барча турнирларда ҳамон совринлар учун даъвогар бўлиб туриш.
"ПСЖ"да менга яхши муносабатда бўлишади. Ўзингни муҳим ўйинчи деб қабул қилишлари ёқимли. Бу - айнан мен хоҳлаган нарса.
Фаолиятимнинг энг ёмон дамлари "Атлетико"даги ўйинларимга тўғри келади. Ўшанда ҳаттоки фаолиятимни якунлаш ҳақида ўйлаш даражасига борганман. Аммо энди мен ҳам ўйинчи, ҳам инсон сифатида кучли бўлдим", - дейди Тиаго Мотта.