Россия чемпионатининг 18-тур ўйинлари якунига етди. Москванинг "Локомотив" жамоаси "Кубань" меҳмони бўлиб, сафардан муҳим ғалаба билан қайтди. Ушбу ғалабадан кейин Леонид Кучук шогирдлари жадвалда соф 1-ўринга кўтарилиб олишди.

"Темирйўлчилар" 31-дақиқасига келибоқ ўйин тақдирини ҳал қилиб бўлишганди.     Майкон, Чорлука ва Буссуфа томонидан киритилган голларга краснодарликлар футболчиси Сиссе учрашувнинг сўнгги дақиқасида бир марта жавоб қайтарди.

Виталий Денисов ушбу баҳснинг бошидан охирига қадар майдонда ҳаракат қилди.

"Локомотив" сўнгги марта 2006 йилнинг 2 октябрь куни жадвалнинг 1-поғонасига кўтарилишган экан. Аммо ўшанда кейинги турда "Рубин"га ютқазиб қўйиб, яна 2-ўринга тушиб қолишган. "Темирйўлчилар" Россиянинг икки карра (2002, 2004) чемпиони ҳисобланишади.

"Рубин" эса ўз майдонида "Амкар" устидан йирик ғалабани тантана қилди — 3:0.

Рубин – Амкар 3:0 (1:0)
Голлар: 1:0 – 38 Натхо, 2:0 – 68 Рондон, 3:0 – 77 Кузьмин.
Рубин – Рижиков, Кверквелия, Кулик, Шаронов, Маркано, Мвила, Кисляк, Торбинский (Р.Еременко, 74), Натхо, Рязанцев (Кузьмин, 76), Азмун (Рондон, 66).
Амкар – Нарубин, Фибель, Анд.Семенов, Белоруков, Сираков, Пеев (Камеш, 75), Голь, Георгиев, Коломейцев (Пикущак, 68), Канунников, Якубко.

Кубань – Локомотив 1:3 (0:3)
Голлар: 0:1 – 5 Майкон, 0:2 – 14 Чорлука, 0:3 – 31 Буссуфа, 1:3 – 90 Сиссе.
Кубань – Беленов, Мельгарехо, Козлов, Шандао, Жавнерчик, Попов, Фидлер (Соснин, 64), Армаш, Игнатьев (Хубулов, 74), Каборе, Бальде (Сиссе, 80).
Локомотив – Абаев, Шишкин, Чорлука, Денисов, Дюрица, Диарра, Буссуфа, Майкон (Кайседо, 81), Тарасов, Самедов (Григорьев, 71), Н′Дойе (Павлюченко, 80).