«Наполи» устози Рафаэль Бенитес Италия чемпионати доирасидаги «Лацио»га қарши кечган ўйин ҳақида фикр билдирди.

«Биз ҳамон ўз имкониятларимизнинг 75 фоизида ўйин кўрсатяпмиз. Бугунги учрашув жуда қийин бўлди. Майдоннинг ҳолати ҳам жуда ёмон эди. Тўп тўхтаб қолаверди.

Игуаин – ўйин тақдирини ҳал қила оладиган футболчи. У кеча буни исботлади. У билан ўйин олдидан худди бошқа футболчилар каби гаплашдим. Энг асосийси, у нафақат гол урди, балки жуда яхши ўйин кўрсатди. Ҳимоячиларни чалғитди ва шерикларига бўш зоналарни яратди»,- дейди мураббий.