«Эвертон» устози Роберто Мартинес Англия чемпионати 14-туридан ўрин олган «МЮ»га қарши ўйин олдидан ўз фикрлари билан ўртоқлашди. Хабарингиз бор, ҳозирда «МЮ» ни бошқараётган Дэвид Мойес 11 йил давомида «Эвертон»да фаолият олиб борган.
«Кўп марта такрорлаганман, мураббийлар ўртасидаги баҳс ҳақида гапиришни ёмон кўраман. Менимча, бу футболчилар ўйини, мураббийлар эмас. Бизни олдидна узоқ тарихга эга бўлган икки буюк клуб ўртасидаги баҳс кутиб турибди.
Бу жуда жиддий ўйин. Рақиб ўтган йили Англия чемпиони бўлди ва уларни ҳурмат қиламиз. Биз жиддий қаршилик кўрсатишга тайёрмиз. Чоршанба куни бўладиган ўйинни сабрсизлик билан кутяпман»,- дейди мураббий.