"Реал" дарвозабони Икер Касильяс "қироллик клуби" етакчиси Криштиану Роналдунинг бу йил жаҳонда энг яхши футболчи бўлишига умид билдирди.
"Криштиану айни вақтда ҳаммадан зўр ва шу боис барча шахсий совринларни ҳам у олиши керак. У шак-шубҳасиз бунга ҳақли.
Ҳозир Криштиану ўзига хос даврни бошидан кечиряпти. Ҳар бир ўйинда у қанчалик иштиёқ ва масьулият билан тўп сураётгани сезилиб турибди", - деган Касильяснинг сўзларидан иқтибос келтирмоқда "Реал" расмий сайти.
Эслатиб ўтамиз, яқинда португалиялик Ла-лиганинг 2012/13 мавсумидаги энг яхши футболчи дея эътироф этилди.