"Ливерпуль" ҳужумчиси Луис Суарес қишда клубдан кетмаслигини айтиб ўтди. Қайд этиш керак, ушбу футболчи учун "Реал" 65 миллион евро тўлашга тайёр экани борасида хабарлар бор.
"Бу ерда бахтлиман, ўзимни уйдагидек ҳис қиламан. АПЛ - жаҳондаги энг кучли лига, - дея Суареснинг сўзларидан иқтибос келтирмоқда Marca. - Ха, мавсум охиригача "Ливерпуль"да қоламан".
Эслатиб ўтамиз, чемпионат стартидаги 5та ўйинни ўтказиб юборган бўлишига қарамай Суарес айни пайтда 13 гол билан Премьер-лига тўпурари бўлиб турибди. У куни кеча "Норвич Сити"га қарши майдонга тушиб, покер қайд этганди.