10 декабрдан бошлаб Малайзия пойтахти Куала-Лумпурда ОФК клублар семинари бошланди.
Айтиш жоизки, ОФК кубоги ва Чемпионлар лигаси мусобақаларида иштирок этадиган клублар семинари илк маротаба биргаликда ўтказилмоқда.
“Бунёдкор” ФК вакиллари Исломжон Ходжаев (жамоа менежери) ва Баҳодир Мирзаев (матбуот котиби) ушбу семинарда иштирок этишмоқда.
Аввал хабар бериб ўтганимиздек, семинар аввалдан тузиб чиқилган дастур асосида икки кун давом этади. ОФК бош котиби жаноб Виндсор Жон ўз маърузаси билан маросимни очиб берди. Кейин эса ОФК клублар мусобақалари бўлими бошлиғи Бенжамин Тан ўзининг қизиқарли маълумотларини семинар қатнашчиларига тақдим қилди. У асосан мухлислар оқими борасида фикр юритди. Мана шундай кетма-кетликда бугунги семинар давом этади. Дарвоқе, бироз ўтиб ҳамюртимиз Авазбек Бердиқулов ҳакамлар масалалари юзасидан маъруза қилади.
Баҳодир МИРЗАЕВ
Куала-Лумпур, Малайзия
