“Пахтакор” бош мураббийи Мурод Исмоилов эндилик Ўзбекистон 1993 йилда туғилганлардан ташкил топган терма жамоада ҳам фаолият олиб боради. Эслатиб ўтамиз, 1993 йилда туғилганлардан ташкил топган терма бош мураббийи Шуҳрат Мақсудов ҳисобланади.
Шуҳрат Мақсудовнинг яна бир ёрдамчиси Алексей Евстафеев бўлади. Евстафеевнинг ёрдамчи мураббий бўлиши расман тасдиқланган бўлса, Исмоилов тез орада ушбу лавозимга тасдиқланиши кутилмоқда.
Мазкур терма жамоа 2014 йил январь ойида Уммонда ўтказиладиган Осиё чемпионатида иштирок этади. Кейинчалик бу терма жамоа 2016 йил Рио-де-Жанейрода ўтказиладиган Олимпиада ўйинлари саралашида иштирок этиш учун олимпия термасига айлантирилади.
