Бугун “Бунёдкор” клуби ярим ҳимоячиси Жавлон Иброҳимов ўзининг таваллуд айёмини нишонламоқда. У бугун, 10 декабрь куни 23 ёшга тўлди.

Ёш футболчи ҳозирга қадар “қалдирғочлар” билан икки марта Ўзбекистон чемпионатида ва бир марта мамлакат Кубогида зафар қучган. Илгари “Трактор”, “Насаф” ва “Локомотив”да тўп сурган футболчи 2011 йилдан бери “Бунёдкор” шарафини ҳимоя қилиб келади.

Вадим Абрамов ўз вақтида Жавлонни миллий терма жамоага таклиф қилган ва у Ўзбекистон терма жамоаси таркибида 4та ўйинда майдонга тушишга ҳам улгурган.

Иброҳимов ҳақида яна бир маълумот. Янги мавсумда “Бунёдкор”ни бир қатор тажрибали ўйинчилар тарк этиши кутилмоқда. Шу туфайли Жавлон Иброҳимовни тез орада “Бунёдкор” сардори сифатида кўришимиз ҳам мумкин.

Жавлон Иброҳимовни таваллуд айёми билан сайтимиз ва унинг мухлислари номидан табриклаб қоламиз. Ундан келажакда ёрқин ўйинлар кутиб қоламиз.